Aaj ham jane-mane investor Mr Vijay Kedia ke stock market success, aur unki investment philosophies ke bare mein baat karenge.

Vijay Kedia
Vijay Kedia One of the Most Stock Market Successful Investor in India

Vijay Kedia Early Life:

Vijay Kedia ka Janam ek stock broking family mein huya. Mr Vijay Kedia bachpan se hi stock market mein bahut hi jada interested thee. Vo aaj bhi stock market ko hi apna pehla peyar mante hain.


Aur 14 sal ki umra mein hi apne grandfather ke sath trade karte thee. Jab vo 14 sal ke thee tab unki pitaji ka dehant ho gaya.


Vijay Kedia hamesha, business karne mein interest rakhte thee. lekin sufficient capital na hone ke karan vo business start nahin kar paye.


Fir unhone stock broking ki apna family business joint kiya. Lekin stock broking ki business mein unhen jada interest nahin tha. Isiliye 19 sal ki umra mein stock market mein trading karna shuru kiya.


Vijay Kedia Stock Market starting Life:

Mr Vijay Kedia jaab first time stock market mein trading karna shuru kiya, shuruaati sal mein to usse stock market se bahut hi accha profit hua.  Fir ushe lagne laga ab mujhe stock market mein loss ho hi nahin sakta.


Lekin shuruaat ke ek sal success ke baad hi unhen losses hone lage. Aur tab unhen realise hua ki unka shuruaati success bus ek luck tha. Stock market mein fatafat paisa kamane ke chakkar mein unhe kain bar bade bade losses hote thee.


Shuruaati time mein vo chote chote amount ki trading karte thee. Aur jaab unhe profit hota tha, tab vo bade bade amount se trade karte thee. Aur yah silsila chalta rahata tha. Lekin kisi din ek do kharab trade, unke pure profit ko khaa jaate thee.


Iss tarah ka losses unhen kain bar hua. Ek bar to Hindustan Motors mein do char dino mein hi pure 70,000 ki loss hua tha. Tab unke paas utne paise nahin thee.


Fir un ki maa ne unhen apne jewellerys beech ne keliye kaha tha. Per luckily unke losses jaldi hi recover ho gaye. Isiliye unhen jewelries bhejne ki jarurat nahin padi.


Uske bad unhen bahut hi kharab mahsus hua. fir vo stock market mein trading karna hi chhod diya. Fir unhone Kolkata mein tea gardens ko material supply karne ka business shuru kiya. Per unka yah business fail ho gaya. Fir vo dubara stock market mein trading karne lage.


Kuchh sal aur stock market mein trading karne ke baad unhen realise hua ki 10/11 sal se trading karne ke bawjud bhi unhen koi profit nahin hua hai.


Unhen jo bhi profit ho raha tha bo losses mein chala ja raha tha. Isiliye unhone 1989 mein trading chhodane ka faisla kiya. Fir apna pura dhyan investing per lagaya.


Trading vs Investing:

Agar apko stock trading mein aur investing mein kya antar hai yah nahin pata to mein apko bata dun. Trading mein share ko short term keliye hold kiya jata hai, yani kuchh din yah kuchh month keliye hold kiya jata hai. Trader stocks ki price ki movement se paise banane ki kosis karte hain.


Bohi investing mein, Long-Term keliye share ko hold kiya jata hai aur company ki financial condition, management ki quality yani stocks ke fundamental dekh ke khrida jate hain. Aur Investor market se ishi tara paise banane ki kosis karte hain.


Vijay Kedia investment Education:

Jab Mr Vijay Kedia market mein invest karne ka faisla liya, uss waqt investing ke bare mein sikhane keliye kuch khas sources nahin thee. Aur investor bhi apna knowledge jaldi kisi se share nahin karna chahte thee.


To aise waqt mein Mr Vijay Kedia investing do tarah se sikhe. Pahla trial and error, yani pahle khud try karo aur usmein fail ho jaate ho to un galtiyon se sikho. Aur agali bar pahle se better try karo.


Dusra observation, Mr Kedia baki investors ke success aor failure ko observe karte thee. Unhen bariki se samajhte thee aur unke failure se kuchh na kuchh sikhane ki koshish karte thee.


For example, ek bar unki dost ko kafi bada loss hua tha. Fir unka dost bol raha tha ki vo galti se jada PE ratio wale stock mein invest kiya tha. Jab Mr Vijay Kedia ne yah suna to unhone unke failure ka analysis kiya. Aur tab unhe shik ne mila ki high PE ratio dangerous ho sakta hai.


Sathi apne investing carrier ki shuruaat mein unhone magazine, newspaper, companies ki annual report ko padhna shuru kiya tha. Aur yah sab padh ke hamesha khud ko update rakhte aye hain.


Aaj bhi Mr Vijay Kedia business newspaper, magazine aur annual report padhte hain. Aur CEO managing director ke interview dekhte hain.


Vijay Kedia Multibagger Stock:

Unhen pata tha stock market se judi financial activity jadatar Mumbai mein hi hoti hai. Fir unhone 1989 mein Kolkata se Mumbai chale aaye. Do sal tak Mumbai mein paying guest banke rahe.


Punjab Tractor unke interesting career ki pahla stock tha. 1989 mein unke paas jo 35,000 rupees thee vo unhone Punjab tractors mein invest kiye. Agale 3 sal mein Punjab Tractors 4 se 5 guna increase hua. Fir unhone Punjab Tractors ke sare shahers sell kar, ACC mein invest kia.


Uss waqt ACC ke price 300 rupees thi. Fir ACC ka stock dhire dhire badhta gaya aur Harshad Mehta bull run ke karan, share ka price 3000 rupees tak pahunch gaya. 3000 rupees ke price per Mr Vijay Kedia ko ACC overvalued laga. Isiliye unhone ACC ke sare sares bech diye.


Aur un paison se Mumbai ke andar ek apartment kharida. Aur baki paiso se kuchh dusre stock khariden.


Fir Harshad Mehta scam ke bad jo market crash hua, uss mein unhen kafi loss hua. Uss per vo kahate hain, tab vo kuch company mein uska fundamental dekh bina hi invest kiya tha. Isiliye market crash mein bho stocks turant gir gaye. Aur apni galtion ki kimat mujhe chukani padi.


Vijay Kedia investment philosophy:

Vijay Kedia ko stock market mein itna bhari loss hone ke bad fir unhone apne investment strategy per bilkul bhi compromise na karne ka faisla kiya.


Aegis logistic ko unhonne 14 rupees ke share price per kharida tha. Aur 500 rupees ke price per becha tha. Jis per unhe 4000% return mila tha. Inke elawa unhonne kai sare stocks mein multibagger return kamaye.


Vijay Kedia stock market investment tips for investor:

Vijay Kedia hamesha kahta hai har investor ke pass 3 quality jarur hona chahie. 1. Acche stocks dhundhne ke liye knowledge. 2. Un stocks ko sufficient quantity mein kharid ne keliye courage. 3. Aur un stocks ko hold karne keliye patience. Kyunki kain bar market ko stock ki real value pata chalne mein waqt lagta hai.



Vijay Kedia stock selection strategy:

Stock select karte waqt Vijay Kedia ki first priority, company ka management hoti hai. Investment karte waqt company ki management ko achha khasa weightage dete hain.


Agar management kharab waqt per company ko acchi tarah se bahar nikalte hain, to wo management acche time per company ko teji se aage le ja sakte hain. Jab Mr Vijay Kedia ko company ka valuation jada lagne lagta hai vo stock se exit le leta hain.


Mr Vijay Kedia bahut carefully Apna investment strategy banati hai. Aur uske anusar hi investment Karte Hain. Unke kain sare stock picks fail bhi hue hain. aur vah un galtion se sikke unka upyog bade profit banane keliye kiya.


Advice for new investor:

Mr Vijay Kedia new investor ko hamesha bolata hai apna khud ka ek fixed income source banaa ke rakho.


Kyunki stock market bahut volatility hai, aur uss per aap fixed income ke liye defended nahin kar sakte. Aur hamesha business ke bare mein padhte rahiye. Kyunki information aur knowledge aapko hamesha ek accha stock dhundhne keliye madad karega.


Mr Vijay Kedia apne stock market career mein kahin sare up & down dekhe hain. Aur complicated time mein bhi apne passion ko perseverance ke sath follow karke success hasil kiya.


Aaj ke time per Mr Vijay Kedia ka total net worth hai thousand crore se bhi jada. Mr Vijay Kedia Twitter per hamesha active rahte hain aur apne experiences ko share karte hain. Agar aap chahe to Mr Vijay Kedia ko Twitter per follow kar sakte hain.


Also Read: 

Rakesh Jhunjhunwala ( Warren Buffett Of India ) Biography in Hindi 

Porinju Veliyath Success Story Hindi - One of the Most Successful Investor


Agar aapko yah artical pasand aata hai to yah artical ko apne social media per jarur share kare. Taki log apne country ke successful investor Mr Vijay Kedia ke bare mein, aur unke investment strategy ke bare mein jaan sake.

1 Comments

Post a Comment

Previous Post Next Post